+心情+時間表+

P.S.: 我真係一個超級勁懶鬼黎的！

　 6.9.2003 　
　

到了今天已經病了6天了，真係不明白為何這個世界上會有病菌的。每次都係2日就會好番的，但今次真係會咁耐的，可能現在的病菌愈來愈惡毒呀，想害死人類呀！不過人類的科技及醫術咁發達，會同病菌作戰下去的。同埋我都唔想死住呀，我仲有大把野未做的，唔可以就咁死，最最最起碼我連日本都未去過，但係去左都唔可以死的！
　
　 　 　
　 　 　

　 17.8.2003 　
　

六日的海南島的旅程終於結束，心裡有點捨不得(其實每次去完旅行都會有這種感覺的)。在這次的生態環保考察交流團中，完全感受不到任何有關環保的知識，只是覺得海南島的沙灘真係好靚！好靚！如果香港有咁靚的沙灘好呀！不過，海南島就真係比香港清潔好多的，同埋空氣都清新好多！
　
　 　 　
　 　 　

　 5.8.2003 　
　

跟一些很久沒見面的中學同學，話說回到，原來已經畢業了3年，時間真的過得很快呀！感覺還是書的時候係最好，有好多野都可以唔需要去想，返學就返學，生活簡單得多！面對的世界唔會咁複雜。見到她們其實係好開心，雖然會係少見面，但係亦都會係開心，因為她們有工作，如果經常見面，沒有工作，那亦是沒有甚麼意思呢！
　
　 　 　
　 　 　

　

　 3.8.2003 　
　

這麼大個女，去camp、去旅行就已經去過無數咁多次，但係今次都係真係第一次整晚無睡過覺，其實都真係幾辛苦的，仲要係下午仲要去行左成3個小時的山，係好羅命呀，不過沿路的境色都好靚，都影左一些相，都還算係值得的，最靚都算係「鹽田灣」(如果無錯的話)，它那些水清沙幼，我想真係好少會在香港見得。雖然係整晚無睡覺，但係坐在沙灘上，聽著人家訴說自己的理想、經歷；望著天上的星星、不斷出現的流星；直至天亮，在石屎森林的市區真係無咩可能這樣。今次去camp同平時去camp的感覺可能好唔同，可能係星期六、日去，同平時唔同啦！
 　
　 　 　
　 　 　


　 23.7.2003 　
　

昨日好開心去西貢，準備去camp，學左一些正宗的少林武術「少林如意拳」和「八段錦」，其實打拳仲易過耍過「八段錦」，真係太虛無縹緲左的。其實昨天都有點擔心，雖然「天鵝」走了，但是還有一個「伊布都」正在黎香港作一個親善的探訪，心裡一直都希望千萬不要掛上3號風球呀。
過了一個晚上，早上還是好好的，耍完這個晨操、吃過早餐後，完成了早上的自由活動後，還在想下午的自由時間玩甚麼呢？怎麼知道惡耗就在這時候出現，竟然3號風球掛上了，任何的活動都要取消，「少林如意拳」和「八段錦」都只是學到一半就要下山，真是可惜！其中一位師傅跟我說只要過了晚上，就可以全部學會了，真是氣死人呀！最重要的問題並不是金錢，而是心機同時間。